Kapag tayo’y nagbibigay ng tulong sa ating kapwa, tayo ay nagiging modelo para sa kabutihan. Tayo rin ay nagiging mabuting ehemplo para sa mga kabataan.
Ang mga katangiang ito ay naipasa sa atin ng ating mga ninuno. Kaya naman, kapag tayo’y tumutulong sa ating mga kapwa, binibigyan rin natin ng respeto at pagpapahalaga ang ating kultura at tradisyon.
Noong ika-17 ng Oktubre, 2021, nagsagawa ng relief operation ang grupo ng kababaihan ng PNP Sambisig at ang Police Regional Office 1 Officers’ Ladies Club sa lugar na naapektuhan ng bagyong Maring.
Ang nasabing aktibidad ay pinangunahan ni Mrs Lea Mae Peralta, maybahay ng Regional Director ng Police Regional Office 1 na si PBGen Emmanuel B Peralta at mga miyembro ng SAMBISIG Ladies na nagpaabot ng tulong sa mga nasalanta at naapektuhan ng bagyong Maring sa Barangay Rimos 5, Luna, La Union kung saan may 300 pamilya ang tumanggap ng mga food packs, damit (used clothes) at hygiene kits.
Pinangasiwaan ang nasabing programa ng mga tauhan ng Regional Community Affairs Develop Division na pinangunahan ni PLtCol Jugith J Del Prado, Acting Chief, RCADD kasama ang Luna Municipal Police Station.
####
Article by Police Staff Sergeant Carmela G Danguecan
