Namahagi ng tulong medikal at ayuda ang kapulisan ng Police Community Affairs and Development Group (PCADG) sa pakikipag-ugnayan sa Matandang Balara Police Station kasama si Mrs. Myrna Reyes, President, Donate Philippines at Confederate Sentinels of God (CSG) na isang Non-Government Organization (NGO), sa isinagawang Medical, Dental at Opthal Mission noong Oktubre 28, 2021 sa Brgy. Culiat, Quezon City.
Bukod sa medikal, dental, optikal at ayuda, namahagi din ng mga tsinelas, damit, shorts pants at hygiene kits sa ating mga kababayang muslim at non-muslim.
Nasa 120 na residente ng naturang barangay ang nakatanggap ng serbisyo publiko sa isinagawang programa.
Nagpaabot ng taos pusong pasasalamat ang kapitan ng nasabing barangay na si Hon. Victor Bernardo sa mga may mabubuting puso na tumulong sa kanyang nasasakupan gayundin sa ating mga kapulisan na nagbigay ng food packs at nagpanatili ng kaayusan at kapayapaan hanggang matapos ang aktibidad.
####
Article by Patrolman Jonel R Jarabe
