“Ang PNP ay patuloy sa pagmamalasakit at hindi magsasawang maglingkod sa ating mga kababayan.”
Ang mga tauhan ng Police Community Affairs and Development Group ng Kampo Crame ay nagbigay ng suporta sa mga nasalanta ng bagyong Maring sa Cagayan sa pamamagitan ng pagbibigay ng kabuuang 400 food packs na naglalaman ng tatlong (3) kilo ng bigas, mga de lata, at instant noodles. Ito ay bahagi pa rin ng PNP BARANGAYanihan Help and Food Bank Project.
Ang aktibidad ay pinangunahan ni PCol Joel T Ada, Chief ng Community Affairs and Development Division ng PCADG kasama ang mga tauhan nito at ang RPCADU-NCR sa ganap na alas 10:00 ng umaga ng ika-14 ng Oktubre ng taong kasalukuyan.
Ang mga food packs ay ihahatid at ipapamahagi sa mga mamamayan ng Tuguegarao City na naapektuhan ng bagyong Maring.
Pasasalamat naman ang ipinapaabot ng buong pwersa ng kapulisan sa mga donasyon mula sa ating mga sponsors.
#####
Article by Patrolwoman Nica V Segaya
