Datu Piang, Maguindanao (January 10, 2022) – Muli na namang ginulantang ng isang malakas na pagsabog at sunod sunod na pamamaril ng mga armadong masasamang loob ang Brgy. Buayan, Datu Piang, Maguindanao. Hindi ito kalayuan mismo sa bahay ni Mayor Victor Sumama, pasado alas 8:00 ng gabi, Enero 10, 2022.
Kinilala ni Maguindanao Police Spokesperson, PCpt Fayed Cana, ang isang suspek na si Sahad Paglat, residente ng Brgy. Balakanen ng nasabing bayan, habang ang isang suspek ay inaalam parin ang pagkakakilanlan.
Ayon kay PCpt Cana, pinaulanan ng bala ang isang Barangay Peacekeeping Action Team (BPAT) outpost sa nasabing barangay na nagresulta sa pagkakasugat ng BPAT member.
Hinihinalang ang mismong target ng pamamaril ay ang BPAT Outpost ngunit sa kabilang banda ay tinitingnan din ng mga awtoridad ang anggulo na mismong bahay ni Mayor Sumama ang target ng pamamaril dahil hindi naman ito kalayuan sa BPAT outpost.
Sa ngayon ay patuloy ang mahigpit ang isinasagawang imbestigation ng ating kapulisan upang matukoy ang pagkakakilanlan ng may sala sa nasabing insidente.
#####
Pat Valencia – RPCADU BAR
