Nasakote ng Barobo Municipal Police Station ang isang Barangay Kagawad na isang High Value Individual sa isinagawang buy-bust operation katuwang ang PDEA 13 sa Purok 1, Barangay Gamut, Borobo, Surigao del Sur, pasado 05:45 ng hapon nito ng lamang Hulyo 18, 2024.
Kinilala ni Police Major Corby B Piligan, Acting Chief of Police ng Barobo MPS, ang suspek na si alyas “Brando”, 39 anyos, binata, Barangay Kagawad at residente ng Purok-1, Barangay Gamut, Barobo, Surigao del Sur.
Nakumpiska ang isang pirasong Php1,000 bill; isang pakete ng pinaniniwalaang shabu (buy-bust item); limang pirasong heat-sealed transparent plastic sachets na naglalaman ng puting crystalline substance na pinaniniwalaang shabu; isang unit na Rose Gold iPhone 12 Pro Max; isang asul na lighter; isang kahon ng Marlboro cigarette na naglalaman ng limang stick; isang black leather wallet na naglalaman ng isang piraso ng Php500 bill, mga ID at iba pang dokumento.
Naging matagumpay ang operasyon sa pinagsanib na pwersa ng Barobo MPS sa pangunguna ni Police Major Corby B Piligan, ACOP (lead unit) katuwang ang RID13, Surigao del Sur Provincial Drug Enforcement Unit at PDEA.
“Barobo MPS will not tolerate any illegal drug activities in the Municipality. Let this be an example to all that even if you are an elected/appointed public official or a prominent figure, if you indulge in illegal drug activities, the full force of the law will come after you. And to every participating elements in the buy-bust operation, Good job! Let us keep up the excellent work,” ani PMaj Piligan.
Panulat ni Patrolwoman Karen Mallillin
