Iloilo – Tiklo sa ikinasang drug buy-bust operation ng Banate PNP ang isang barangay kagawad at ang kanyang kapatid sa Brgy. Merced, Banate, Iloilo nito lamang Agosto 15, 2023.
Bandang alas-5:30 ng hapon nang ikasa ang operasyon ng pinagsanib na pwersa ng Banate Municipal Police Station, Iloilo Provincial Drug Enforcement Unit Team 2, at 2nd Iloilo Provincial Mobile Force Company.
Kinilala ni Police Lieutenant Dandy Ilalto, OIC ng Banate MPS, ang naarestong magkapatid na sina Hermil Agsaluna, HVI, 40, Brgy. Kagawad ng Brgy. Santiago, Barotac Viejo, Iloilo, former member ng Philippine Marines at Ar-Ar Agsaluna, SLI, 28, vegetable vendor, parehong residente ng Brgy Santiago, Barotac Viejo.
Ayon kay PLt Ilalto, dalawang linggong isinailalim ang dalawang subject person bago pa isagawa ang nasabing buy-bust.
Nakuha sa dalawa ang limang pakete na naglalaman ng suspected shabu na may bigat na 6 gramo at may Standard Drug Price na Php40,000.
Nasa pangangalaga na ngayon ng Banate MPS ang nahuling mga suspek at sila ay nakatakdang masampahan ng kasong paglabag sa RA 9165 o Comprehensive Dangerous Drugs Act of 2002.
Patuloy ang kapulisan ng Western Visayas sa pagsugpo ng ilegal na droga at sinisigurong walang kinikilingan sa pagpapatupad ng batas tungo sa maayos at payapang pamayanan.
