New Lucena, Iloilo– Nakasilid sa sako at wala ng buhay ng matagpuan ang isang babae sa Barangay Pasil, New Lucena, Iloilo nitong umaga ng Miyerkules, Marso 2, 2022.
Ayon kay Police Lieutenant Jerson Baldevia, Hepe ng New Lucena Municipal Police Station, ang bangkay ay natagpuan sa gilid ng kalsada na nakasilid sa puting sako, nakabaluktot ang katawan at wala nang pang-itaas na damit.
Ayon pa kay PLt Baldevia, kinilala ang biktima na si Jonalyn Sucaldito, 41, residente ng Barangay Nabitasan, Pototan, Iloilo at nakitaan ng ilegal na droga ang bag ng biktima.
Samantala, kapansin-pansin naman ang karatula na idinikit sa sako na may nakasulat na, “Hayop ka!! Jovan Abantao at alyas Supat.”
Kasalukuyan namang iniimbestigahan ng kapulisan ang motibo sa brutal na pagkamatay ng biktima at hinimok ang publiko na tumulong upang mas mapadali pa ang imbestigasyon.
Source: https://www.facebook.com/107343355183246/posts/125489363368645/
###
Panulat ni Patrolman Kher Bargamento
