Davao del Norte – Kaagad na nirespondehan ng Tagum City PNP ang bangkay ng isang lalaki na natagpuan sa isang bus terminal sa Davao del Norte, nito lamang Miyerkules, Mayo 11, 2022.
Kinilala ni PLtCol Jay Dema-Ala, Acting Chief of Police ng nasabing istasyon ang lalaki na si Bobby Berallo Centinales, 29, residente ng Brgy. Calumpang, General Santos City na pansamantalang nakatira sa San Francisco, Agusan del Sur.
Ayon sa panayam sa kasama nito na si Jenalyn Boston Taer, habang papunta sila sa Tagum City, nabanggit ni Bobby na papunta ito sa General Santos City upang magpagamot sa kanyang ulcer ngunit pagkarating nila sa Tagum terminal ay nakatulog si Bobby habang naghihintay ng bus at hindi na nagising pa.
Bukod dito, nabanggit ng pamilya nito na malakas itong uminom at hindi kumakain sa tamang oras na maaaring naging sanhi ng pagsakit ng tiyan at baga nito.
Ayon kay PLtCol Dema-Ala, base sa pagsusuri ng mga imbestigador ay wala silang nakikitang foul play sa nangyari.
Nagpasalamat naman ang Tagum CPS sa agarang pagrereport ng nasabing pangyayari at hinikayat ang mamamayan na patuloy na makipagtulungan sa PNP lalo na sa mga ganitong pangyayari.
###
Panulat ni Patrolman Alfred Vergara
