Calintaan, Occidental Mindoro – Nagsagawa ng Bamboolotion o Bamboo Planting ang mga tauhan ng Calintaan Municipal Police Station kasama ang iba’t ibang ahensya ng gobyerno sa Sto. Tuburan Brgy. Iriron Calintaan, Occidental Mindoro noong Mayo 25, 2022.
Ang aktibidad ay pinangunahan ni Police Lieutenant Arnold Dayag, Officer-in-Charge ng Calintaan Municipal Police Station, kasama ang Department of Environment and Natural Resources (DENR), Provincial Environment and Natural Resources Office (PENRO), Municipal Environment and Natural Resources Office (MENRO), mga Lingkod Bayan Advocacy Support Groups (KKDAT, Faith-based, Women-based, Barangay-based, Force Multipliers, JIPCO, Kaligkasan) at mga empleyado ng munisipyo, Elected Officials, Sangguniang Bayan Officials, Bureau of Fire Protection, Department of Education, mga Non-Government Organization, at Volunteer Groups.
Ayon kay PLt Dayag, umabot sa 100 na kawayan ang naitanim ng mga grupo sa nasabing barangay.
Layunin ng aktibidad na ito na makatulong na maibsan ang Climate Change na nagreresulta ng kalamidad, pagguho ng lupa at pagbaha.
Hinihikayat ng PNP ang komunidad na patuloy na makiisa at makilahok sa mga programang ilulunsad ng pamahalaan upang mapanatili ang kagandahan at kasaganahan ng likas na yaman sa bansa.
Source: Calintaan MPS
###
Panulat ni Patrolman Erwin P Calaus
