Nagbigay ng seguridad ng Isabela Police Provincial Office sa ginanap na Bambanti Festival sa Ilagan, Isabela nito lamang ika-27 ng Enero 2025.
Pinangunahan ni Police Colonel Lee Allen Bauding, Provincial Director ng Isabela PPO, katuwang ang Provincial Safety Office ng Probinsya ng Isabela, BFP Isabela, CTMG/ POSMO, PECU Isabela, HPG, PSPG, iSMART, PDRMMO, CDRRMO, 201st RMFB at iba pang ahensya ng lokal na pamahalaan ng Isabela.
Ayon kay PCol Bauding, ang tahimik at maayos na selebrasyon ay nag-ugat sa masusing pagpaplano, epektibong pagpapatupad ng mga hakbang sa seguridad, at pakikiisa ng mga mamamayan. Aniya, “Ang tagumpay ng Bambanti Festival 2025 ay hindi lamang tagumpay ng Isabela PPO o ng pamahalaang panlalawigan, ito ay tagumpay ng bawat Isabeleño. Ang inyong disiplina, kooperasyon, at pagmamalasakit ang naging pundasyon ng matiwasay na selebrasyon higit sa lahat kung walang pagkakaisa ang bawat isa sa pagpapatupad ng lahat ng plano ay hindi ito magtatagumpay”.
Mahigit 600 na kapulisan ang itinalaga sa strategic areas upang masiguro ang kaayusan sa mga lugar ng aktibidad.
Ang Isabela Police Provincial Office sa pamumuno ni Police Colonel Lee Allen B Bauding, Provincial Director, ay laging handa para sa kaayusan at mapanatiling ligtas ang komunidad para sa pagkamit ng nagkakaisa at maunlad na Bagong Pilipinas.
Source: PNP Isabela
