Luba, Abra – Nagsagawa ng Balik Eskwela Program ang Abra PNP sa mga mag-aaral ng Luba Central School sa Brgy. Poblacion, Luba, Abra nito lamang Martes, ika-20 ng Setyembre 2022.
Ang aktibidad ay pinangunahan ni Police Colonel Maly Cula, Acting Provincial Director, Abra Police Provincial Office, katuwang ang Luba Municipal Police Station, 1st at 2nd Provincial Mobile Force Company.
Nabigyan ang mga mag-aaral at mga guro ng nasabing paaralan ng mga gamit pang eskwela at tsinelas sa prisensya ni Ginang Emilia T Garcia, Principal II ng Luba Central School.
Katuwang ang PNPA TANGLAW LAHI Class 1999, PMA MASIKHAY Class 1999 at PMMA MAPAGBANLAD Class 1999 sa naturang aktibidad sa pakikipag-ugnayan sa CMO Regiment (AFP) at mga donors: National Bookstore Foundation & Go Share Phils. Labis naman ang tuwa at pasasalamat ng mga benepisyaryo sa tulong na hatid ng Abra PNP at iba pang stakeholders.
Samantala, patuloy naman ang pakikipag-ugnayan at pakikipagtulungan ng Abra PNP sa iba’t ibang stakeholders at Advocacy Support Group upang makapagbigay ng libreng serbisyo at tulong sa mga mamamayan lalo na sa mga mag-aaral na lubos na nangangailangan.
Source: Abra Police Provincial Office
