Sinalakay ng PNP ang bahay ng isang drug suspect at nakuha mula dito ang mga ilegal na droga sa Barangay Bantac, Magpet, Cotabato nitong ika-28 ng Mayo 2024.
Ayon kay PMaj Rolando L Dillera, Chief of Police ng Magpet Municipal Police Station, bandang alas sais ng gabi nang kanilang sinalakay ang pamamahay ng kinilalang suspek na si alyas Arnel sa bisa ng search warrant na kung saan narekober sa loob ng bahay nito ang 15 pakete ng hinihinalang shabu, at iba pang pinaniniwalaang drug paraphernalia.
Agad namang dinala sa nasabing istasyon ang nakumpiskang ilegal na droga at ang nahuling indibidwal na nahaharap sa kasong paglabag sa Comprehensive Dangerous Drugs Act of 2002 o ang RA 9165.
Paalala sa publiko na may karampatang parusa ang sinumang mahuli na nagtatago ng mga hindi lisensyadong armas lalong-lalo na sa ipinagbabawal na gamot sa kanilang mga tahanan.
Panulat ni kwerwin Jay medelin
