Nakaalerto ang PNP at patuloy na sinusubaybayan ang direksyon ng Bagyong Enteng na nagdulot ng matinding pag-ulan sa bahagi ng Luzon na nagresulta ng pagbaha at pagkansela ng pasok sa pampubliko at pribadong mga opisina at paaralan sa Metro Manila nito lamang Setyembre 2, 2024.
Ayon sa PAGASA o ang Philippine Atmospheric, Geophysical, and Astronomical Services Administration, ang Bagyong Enteng ay mas lalong lumakas dahilan upang itaas ang Tropical Cyclone Wind Signal Number sa ilang bahagi ng lugar sa Luzon.
Patuloy pa rin ang paghahanda ng Search and Rescue sa mga equipments at Mobile Patrol ng PNP na maaaring gamitin kapag nagpatuloy pa ang malakas at walang tigil na pag-ulan.
Inaasahang mararamdaman natin ang epekto ng bagyo hanggang bukas ayon sa PAG-ASA forecast.
Samantala, nakahanda na ang buong pwersa ng PNP sa buong bansa sa anumang banta ng bagyo, at nagbigay ng paalala sa publiko na maging alerto upang maging ligtas at mapanatili ang seguridad ng bawat mamamayan.
