Nagsagawa ng isang outreach program ang mga kapulisan ng Baguio City Police Office sa Purok 3, Barangay Gabriela Silang, Baguio City noong Mayo 31, 2024.
Ang aktibidad ay pinangunahan ng Napino Cops ng Baguio City Police Office at sa pakikipagtulungan ng Baguio CPO Officers Ladies Club (OLC).
Ayon kay Police Colonel Francisco Bulwayan, Jr., Director ng BCPO, ang aktibidad ay isinagawa upang matulungan ang pitong pamilya na nasunugan dulot ng pagtagas ng gas noong Mayo 25.
Ang grupo ay namahagi ng mga pangunahing pangangailangan kabilang ang mga sako ng bigas, de-latang pagkain, at biskwit sa mga apektadong pamilya upang mabawasan ang kanilang paghihirap sa panahon ng kagipitan.
Nagbigay ng aliw naman ang mga tauhan ng Baguio City Tourist Police sa pamamagitan ng isang masiglang sayaw na naghatid ng kasiyahan at kasiglahan sa mga nasalanta.
Ang aktibidad na ito ay binibigyang-diin ang tradisyon ng “binnadang,” isang kaugaliang nakaugat sa lokal na kultura ng Cordillera na nagbibigay-diin sa pagkakaisa ng komunidad at handang tumulong sa panahon ng pangangailangan.
Panulat ni Pat Melanie L Amoyong
