Sta. Quiteria, Caloocan City — Nabigyan ng isang bagong wheelchair ang stroke patient sa Caloocan City ng programang “Gulong ng Suerte” ng NCRPO Regional Mobile Force Battalion nito lamang Lunes, Agosto 22, 2022.
Ang benepisyaryo ng nasabing programa ay si G. Doroteo G. Teofilo, 77 taong gulang na na- stroke mula pa noong 2015.
Sa pamamagitan ng mga tauhan ng Battalion Community Affairs Section na pinangunahan ni Police Major Edgardo S Tigbao, Chief, BCAS at patnubay ni Police Colonel Jonathan G Calixto, Force Commander ng RMFB, kanilang tinungo ang tahanan ni Ginoong Teofilo sa 273 Camia St., Aida Marquez Comp., Sta Quiteria, Caloocan City upang ipaabot ang bagong wheelchair na handog ng naturang programa.
Pinaabot naman ng benepisyaryo ang taos puso nyang pasasalamat sa pulisya na siya ang napili sa kanilang programa.
Tiniyak din ng RMFB na di matatapos ang kanilang pagtulong sa nangangailangan na siyang paraan upang lalo pang tumibay ang ugnayan ng PNP sa komunidad at higit na makapagbigay inspirasyon sa ating mga kababayan.
Source: RMFB NCRPO
###
Panulat ni PSSg Remelin M Gargantos
