Sarangani Province – Binuksan ng pamahalaan ng Sarangani Province ang bagong pasilidad na nagkakahalaga ng 5 milyong piso para sa mga dating rebelde nito lamang ika-6 ng Oktubre 2022.
Ang pasilidad ay magiging pansamantalang tahanan para sa mga dating rebelde kung saan sila ay manunuluyan habang nasa proseso pa ng reintegration sa mainstream society.
Gayundin, ang pamahalaang panlalawigan ng Sarangani sa pamamagitan ng Provincial Social Welfare and Development Office ay nagbigay ng Php5,000 na agarang tulong sa bawat 22 dating rebelde, habang ang DILG ay nagbigay ng Php336,000 reintegration at administrative assistance sa Regional Mobile Force Battalion.
Ang pasilidad ay kabilang sa mga benepisyo na iniaalok ng Enhanced Comprehensive Local Integration Program (E-CLIP) sa mga rebel returnees na nagpasyang bumalik kasama ang livelihood assistance, financial assistance, reintegration assistance, at firearms remuneration.
Pinasalamatan naman ni PCol Nicomedes P Olaiver Jr. ang Gobernador ng Sarangani na si Hon. Rogelio “Ruel” D. Pacquiao at Congressman Steve Chiongbian Solon sa taos pusong pagbibigay suporta para sa ating mga kapatid na nagbabalik-loob para wakasan na ang insurhensya sa pamamagitan ng pagbibigay tulong para sa mga rebelde.
Muli namang nanawagan ang Sarangani PNP sa mga natitira pang miyembro ng makakaliwang grupo na sumuko na at yakapin ang tunay na kapayapaan.
Panulat ni Patrolman Jerrald Gallardo
