Ginawaran ng mga bagong Logistical Assets ng National Headquarters ng Pambansang Pulisya ang Police Regional Office 2 sa isang programang naganap nitong Lunes, Enero 16, 2023 sa Camp Marcelo A Adduru, Tuguegarao City, Cagayan.
Pormal na tinanggap ni Police Brigadier General Percival Rumbaoa, Acting Regional Director ng PRO2, ang mga kagamitan mula kina Police Lieutenant General Rhodel O Sermonia, The Acting Deputy Chief PNP for Administration at Police Major General Ronaldo E Olay, The Director for Logistics ng Pambansang Pulisya.
Kabilang sa mga kagamitang ito ang 69 units ng enhanced combat helmet para sa mga miyembro ng Provincial Mobile Forces, 82 units ng tactical vest para sa mga high risk police stations; at 30 units ng Honda Motorcycle na ipapamahagi sa iba’t ibang Police Provincial Offices at City Police Office sa buong rehiyon.
Samantala, ipinaabot naman ni PBGen Rumbaoa ang taos pusong pasasalamat ng buong hanay ng Valley Cops sa hindi matatawarang suporta ng PNP sa pagpapalawig ng logistical capability ng PRO2 na lubhang nakakatulong sa pagtupad ng kanilang tungkuling makapagbigay ng mabilis at dekalidad na serbisyo sa bayan.
Source: PRO2 PIO
Panulat ni Police Staff Sergeant Mary Joy D Reyes
