Binasbasan at pinasinayaan ang bagong Grandstand at Water Refilling Station ng Santiago City Police Office sa pamumuno ni Police Colonel Tirso D Manoli, City Director, na ginanap sa Barangay Victory Norte, Santiago, Isabela noong ika-21 ng Mayo 2024.
Personal na dumalo at pinasinayaan ni Police Brigadier General Christopher Birung, Regional Director ng PRO 2, at Rev. Fr. Francisco Tamani, School Chaplain ng La Salette High School.
Sa pahayag ni PBGen Birung, binigyang diin niya na maging tapat bilang alagad ng batas ng may integridad at mapagpakumbaba, hinimok din nito ang mga tauhan ng SCPO na isama ang mga prinsipyong ito sa kanilang pang-araw-araw na gawain at palaging sundin ang Chain of Command.
Ang proyektong ito ay isa lamang na testamento at inspirasyon ng mga tauhan ng Santiago City Police Office na lalo pang maging masipag at epektibo sa pagpapatupad ng tungkulin bilang alagad ng batas.
Source: RPCADU 2
Panulat ni PCpl Kelvin Paul Juan
