Arestado ang isang 28 anyos na bagger na tinaguriang kabilang sa District Level Most Wanted Person (MWP) sa kasong Rape sa ikinasang Oplan Pagtugis ng Manila Police District nito lamang Biyernes, Agosto 29, 2024.
Ayon kay Police Brigadier General Arnold Thomas Ibay, District Director ng MPD, nakilala ang nadakip na suspek na si alyas “JC”, 28 anyos, bagger, at residente sa Phase 3, ACCO Homes, Barangay 14, Dagat-Dagatan, Caloocan City.
Pinangunahan ng mga operatiba ng District Intelligence Division(DID) at District Police Intelligence and Operations Unit ang operasyon na nagresulta sa pagkakaaresto ng suspek sa ACCO Homes, Barangay 14, Dagat-Dagatan, Caloocan City.
Isinilbi sa suspek ang Warrant of Arrest sa kasong Rape na walang kaukulang piyansa.
Patuloy lamang ang Metro Manila Cops sa paghahanap sa mga wanted persons upang mapanagot sa batas at maibigay ang hustisya na inaasam ng para sa mga nabiktima.
Source: Police Big Brother
Panulat ni PSSg Remelin M Gargantos
