Nagbigay ng seguridad sa implementasyon ng Oplan Baklas ng Commission on Elections (COMELEC) 2025 ang mga kapulisan ng Baggao sa pamumuno ni Police Lieutenant Colonel Noriel U Lacangan, Officer-In-Charge katuwang ang Regional Mobile Battalion (RMFB) 2 sa Baggao, Cagayan noong ika-28 ng Marso 2025.
Inilunsad ang Oplan Baklas upang alisin ang mga campaign materials na labag sa election laws, kabilang ang Omnibus Election Code at Republic Act 9006 o “Fair Election Act”.
Ayon sa COMELEC Resolution No. 11086, may 72 oras ang mga kandidato at partido upang tanggalin ang mga ipinagbabawal na campaign materials bago ang opisyal na simula ng kampanya.
Ang sinumang mabibigong sumunod ay maaaring maharap sa kaukulang parusa o diskwalipikasyon. Kasabay ng paglulunsad ng Oplan Baklas, pormal na ring nagsimula noong Marso 28, 2025 ang local campaign period para sa Halalan 2025.
Layunin ng aktibidad na patuloy na magbigay ng seguridad at makikipag-ugnayan sa lokal na pamahalaan upang matiyak ang pagsunod sa mga alituntunin ng COMELEC sa pagpapanatili ng kaayusan sa pamayanan.
