Arestado ang isang babaeng wanted sa kasong Estafa sa ikinasang manhunt operation ng San Jacinto Municipal Police Station sa Barangay Capaoay, San Jacinto, Pangasinan nito lamang Martes, Abril 1, 2025.
Kinilala ni Police Major Napoleon R Velasco, hepe ng naturang istasyon ang suspek na si alyas “Mari”, 56 anyos, fruit vendor, at residente ng Barangay San Vicente ng nasabing bayan.
Ayon kay PMaj Velasco, naaresto ang suspek bandang 5:35 ng hapon sa bisa ng Warrant of Arrest sa kasong Estafa na may may itinakdang piyansa na Php20,000.
Patuloy namang paiigtingin ng PNP ang kampanya laban sa mga taong may pananagutan sa batas at mapanatili ang kapayapaan at seguridad sa bansa.
Source: San Jacinto MPS
