Western Bicutan, Taguig City — Arestado ang isang babaeng tulak ng droga sa buy-bust operation ng Taguig City Police Station kung saan tinatayang Php346,800 halaga ng shabu ang nakumpiska nito lamang Sabado, Agosto 6, 2022.
Kinilala ni SPD Director PBGen Jimili Macaraeg, ang suspek na si Caironisah Mangubat Abuat alyas “AB”, 36, walang trabaho at residente ng Taguig City.
Ayon kay PBGen Macaraeg, nahuli si Abuat dakong 8:15 ng gabi sa FTI, Sunshine Mall Western Bicutan, Taguig City ng pinagsanib pwersa ng District Drug Enforcement Unit, DID, SPD-DMFB, at PDEA.
Nakumpiska sa kanya ang dalawang heat-sealed transparent plastic sachet na naglalaman ng hinihinalang shabu na humigit kumulang 51 gramo at nagkakahalaga ng Php346,800, isang gray na Mio, isang genuine na Php500 na ginamit bilang buy-bust money, at pitong piraso ng Php1000 boodle money.
Sinampahan na ang suspek ng kasong paglabag sa RA 9165 o Comprehensive Dangerous Drugs Act of 2002.
“SPD will remain steadfast in our mission to keep our area of responsibility free from illegal drugs, kaya patuloy ang ating mga pulis sa pagkuha ng impormasyon tungkol sa mga taong patuloy na nagbebenta ng pinagbabawal na gamot. Sa ating mga kababayan, wag po kayong magsawang i-report sa pulisya kung may nakikita kayong ilegal na bentahan ng droga sa inyong lugar. Kayo ay makakaasa na kasama ninyo kami sa laban kontra ilegal na droga at kriminalidad,” ani PBGen Macaraeg.
Source: SPD PIO
###
Panulat ni PSSg Remelin M Gargantos
