Davao City – Isang babaeng pasahero patungong Manila ang inaresto sa Davao International Airport nito lamang ika-29 ng Enero 2023.
Ayon kay Police Brigadier General Anthony Aberin, Director ng Aviation Security Group, inaresto ng mga operatiba ng Davao International Airport Police Station, AVSEU 11 ang suspek dahil sa pagbibitaw nito ng bomb joke sa mga flight attendant ng airline na nag-udyok sa mga duty personnel na nakatanggap ng ulat na rumesponde at agad na arestuhin ang pasahero.
Ayon sa ulat, kailangang bumaba ng mga pasahero ng Cebu Pacific Flight 5J978 upang bigyang-daan ang pagsasagawa ng paneling operation dulot ng bomb joke at kalaunan ay idineklara ng unit ng EOD/K9 na ang lahat ng bagahe ng mga papalabas na pasahero ay na-clear na sa anumang mga materyales o device na nagdudulot ng pagsunog.
Ang pasahero ay mahaharap sa kasong paglabag sa Presidential Decree 1727, o ang “Anti-Bomb Joke Law,” para sa malisyosong pagpapakalat ng maling impormasyon o sadyang paggawa ng anumang pagbabanta tungkol sa mga bomba, pampasabog at anumang katulad na aparato o paraan ng pagsira. Dinala siya sa Davao International Airport Police Station para sa imbestigasyon, at pansamantalang nakakulong sa Panacan Relocation Police Sub-Station.
Patuloy ang pagiging alerto ng buong hanay ng Aviation Security Group upang agaran matugunan ang tawag ng tungkulin sa anumang oras, araw at pagkakataon.
