Arestado ang isang babae na Newly Identified Drug Suspect sa ikinasang joint buy-bust operation ng Lantapan Municipal Police Station at Bukidnon Provincial Intelligence Unit bandang 6:55 ng gabi nito lamang Nobyembre 5, 2024 sa Purok 12, Barangay Poblacion, Lantapan, Bukidnon.
Kinilala ni Police Captain Sheila Joy Jangad, Hepe ng Lantapan Municipal Police Station, ang suspek na si alyas “Perrie”, 22 taong gulang, babae, walang asawa, at residente ng Barangay Cabucangan, Linabo, Malaybalay City, Bukidnon.
Nakuha mula sa operasyon ang apat na pakete ng hinihinalang shabu na may bigat na 2.38 na gramo na may Standard Drug Price na Php16,184, at isang Php500 bill na ginamit bilang buy-bust money.
Nahaharap ang suspek sa kasong paglabag ng Republic Act 9165 o “Comprehensive Dangerous Drugs Act of 2002”.
Ang matagumpay na operasyon kontra sa ilegal na droga ay isang patunay na ang Lantapan PNP ay patuloy sa pagsasagawa ng mga operasyon upang sugpuin ang droga sa kanilang nasasakupan para sa ligtas at payapang komunidad.
