Pasay City – Timbog ang isang babae na galing pang Taipei, Taiwan sa isinagawang joint operation ng mga tauhan ng Ninoy Aquino International Airport Police Station 1 at Bureau of Immigration nitong Enero 17, 2023 sa arrival area ng NAIA Terminal 1, Pasay City.
Ayon kay PBGen Anthony A Aberin, Director ng AVSEGROUP, naaresto ang suspek sa bisa ng Warrant of Arrest sa kasong paglabag sa Article 183 ng Revised Penal Code o kasong Perjury.
Ayon pa kay PBGen Aberin, walang maibigay ang suspek na kopya ng kanyang Order of Release mula sa issuing court kaya agad nila itong inaresto.
Agad namang dinala ang suspek sa NAIA Police Station 1, AVSEU NCR para sa karagdagan pang dokumentasyon bago ito itinurn-over sa court or origin.
Pinuri naman ni PBGen Aberin ang mga operatiba sa matagumpay na operasyon na nagresulta sa pagkaaresto ng suspek habang hinimok pa ang publiko at iba pang law enforcement agencies na patuloy na makipagtulungan sa PNP, aniya, “The successful operation is a result of the combined effort and active collaboration of our unit with other law enforcement agencies.”
