Pangasinan – Arestado ang isang babae sa isinagawang Manhunt Charlie Operation ng Bolinao PNP sa kasong paglabag sa Anti-Photo and Video Voyeurism Act of 2009 sa Brgy. Dewey, Bolinao, Pangasinan nito lamang Lunes, ika-08 ng Mayo 2023.
Kinilala ni Police Lieutenant Colonel Radino Belly, Hepe ng Bolinao Police Station, ang suspek na si Magie Oculto y Carsula, 35 at residente sa nasabing lugar.
Ayon kay PLtCol Belly, naaresto ang suspek sa bisa ng Warrant of Arrest na inihain sa kanya sa kasong paglabag sa Republic Act 9995 o Anti-Photo and Video Voyeurism Act of 2009 na may inirekomendang piyansa na Php60,000.
Samantala, hindi naman titigil ang Bolinao PNP sa pagtugis sa mga taong may pagkakasala sa batas upang mapanatiling ligtas, maayos at tahimik ang pamayanan na kanilang nasasakupan.
