Zamboanga City – Arestado ang isang babae sa isinagawang Oplan Pagtugis ng Criminal Investigation and Detection Group Regional Field Unit 9 sa KCC Mall de Zamboanga, Gov. Camins Avenue, Zamboanga City nito lamang Sabado, Setyembre 17, 2022.
Kinilala ni Police Colonel John Francis Encinareal, Regional Chief ng Criminal Investigation and Detection Group Regional Field Unit 9, ang suspek na si Almalyn Kasim y Jowak, 37, at residente ng Block 1, Wingo Subdivision, San Roque, Zamboanga City.
Ayon kay PCol Encinareal, bandang 2:40 ng hapon nang naaresto ang suspek sa pinagsanib na puwersa ng mga operatiba ng Criminal Investigation and Detection Group Zamboanga City Field Unit at Zamboanga City Police Office-Station 11 sa bisa ng Warrant of Arrest sa kasong Robbery na may inirekomendang piyansa na Php100,000.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Panulat ni Patrolman John Ronald Tumonong/RPCADU 9
