Zamboanga City – Arestado ang isang babae sa isinagawang operasyon ng Zamboanga City PNP nito lamang Enero 18, 2023.
Kinilala ni Police Captain Vicente Antonio Verallo, Team Leader ng City Intelligence Unit ng Zamboanga City Police Office, ang naarestong suspek na si alyas “Hadja Paksa”, 56 at residente ng Kapuk, Brgy. Mampang, Zamboanga City.
Ayon kay PCol Lorenzo, bandang 11:31 ng umaga nang naaresto ang suspek sa Varela St. Zamboanga City ng mga operatiba ng City Intelligence Unit ng Zamboanga City Police Office sa bisa ng Warrant of Arrest sa kasong paglabag sa RA 8042 o “Migrant Workers and Overseas Filipinos Act of 1995” na may inirekomendang piyansa na Php120,000.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Panulat ni Patrolman John Roneald Tumonong/RPCADU 9
