Arestado ang isang babae sa ikinasang operasyon ng mga otoridad sa Barangay Poblacion Benito Labao Street, Iligan City nito lamang Oktubre 14, 2024.
Ang naturang operasyon ay pinangunahan ni Police Captain Romark Revelo, Deputy Station Commander, Iligan City Police Station 5, katuwang ang mga tracker team ng nasabing istasyon.
Ayon kay PCpt Revelo, bandang 9:10 ng umaga ikinasa ang operasyon na nagresulta sa pagkakaaresto kay alyas “Jenjen”, 30 taong gulang, babae, residente ng Del Carmen, Iligan City.
Ang nasabing suspek ay may nakabinbing kaso sa paglabag sa Republic Act 7610 o “Special Protection of Children Against Child Abuse, Exploitation and Discrimination Act”.
Ang pagkakaaresto ng suspek ng Iligan PNP ay isang hakbang upang matiyak na ang biktima ay makakatanggap ng katarungan at protektahan ang komunidad laban sa anumang uri ng kriminalidad.
