Danao City, Cebu – Timbog ang isang babae sa bisa ng Warrant of Arrest sa kasong estafa sa ikinasang operasyon ng pulisya ng Danao City nito lamang Huwebes, Marso 17, 2022.
Kinilala ni Police Lieutenant Colonel Ronan Claravall, Battalion Commander, Regional Mobile Force Battalion 7, ang nahuli na si Floramae Pata Hinampas, 46.
Ayon kay PLtCol Claravall, naaresto si Hinampas bandang 9:45 ng umaga sa Brgy. Manlayag, Danao City ng pinagsanib puwersa ng mga operatiba ng RMFB 7 at Danao City Police Station.
Ayon pa kay PLtCol Claravall, ang suspek ay inaresto sa bisa ng Warrant of Arrest sa kasong Estafa na inisyu ni Joy Bersabela Bolivar, Assisting Judge ng MTCC City of Danao, Danao City, Cebu, na may piyansang Php20,000.
Hangad ng kapulisan ng nasabing lungsod na maaresto ang lahat ng personalidad na may paglabag sa batas at panagutan ang kanilang mga pagkakasala.
###
Panulat ni Patrolman Edmersan P Llapitan
