Zamboanga City – Arestado ang isang babae sa isinagawang law enforcement operation sa Brgy. Patalon, Zamboanga City nito lamang Sabado, Disyembre 17, 2022.
Kinilala ni Police Major Melvin Solmayor, Station Commander ng Zamboanga City Police Station 10, ang naarestong suspek na si alyas “Jean”, 32, businesswoman at residente ng naturang barangay.
Ayon kay PMaj Solmayor, bandang 7:00 ng gabi nang naaresto ang suspek ng mga operatiba ng Zamboanga City Police Station 10, Regional Mobile Force Battalion 9 at 2nd Zamboanga City Mobile Force Company sa bisa ng Warrant of Arrest sa kasong Estafa.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Panulat ni Patrolman John Ronald Tumonong/RPCADU 9
