Cagayan – Matagumpay na pinasinayaan ang BEAT (Ballesteros Emergency Action Team) Outpost ng Ballesteros Police Station na matatagpuan sa Barangay Zitanga, Ballesteros, Cagayan noong ika-11 ng Agosto 2023.
Ayon kay Police Major Marlou Del Castillo, Hepe ng Ballesteros PNP, ang naturang outpost ay naitayo sa entry point ng bayan ng Ballesteros upang mailapit ang kapulisan sa mga residente.
Samantala ang Ballesteros Police Station naman ay kilo-kilometro ang layo mula rito. Layunin nito na mas mapabilis ang pagbibigay ng responde ng kapulisan sa anumang krimen na malapit sa lokasyon nito.
Hinikayat din ni PMaj. Del Castillo sa bumubuo ng Ballesteros Police Station na piliing gumawa ng tama at mabuti, wala itong bayad ngunit may sukli.
Pinasalamatan ng Ballesteros PNP sina Retired Judge Antonio Aquilizan at si Dra. Salvacion Aquiliza dahil sa pagbibigay ng kanilang lupa kung saan itinayo ang outpost.
Ayon kay Retired Judge Aquilizan na napapayag silang magbigay ng kanilang lupa dahil batid nilang ang lokasyong iyon ay isang “strategic location” para mapanatili ng kaayusan at kapayapaan sa kanilang bayan.
Naging panauhin rin sa aktibidad si Engineer Philip Umblas bilang kinatawan ni Mayor Vincent Unite na nagpaabot ng suporta sa anumang proyekto o programa ng kapulisan para sa ikabubuti ng mga residente sa bayan.
Samantala, sa mensahe naman ni Police Colonel Julio S Gorospe Jr., Provincial Director, Cagayan PPO, na ipinarating ni Police Lieutenant Colonel Ramil Alipio, Provincial Deputy Director for Operations, ang papuri kay PMaj Del Castillo at sa buong hanay ng Ballesteros PS dahil sa isa na namang napakagandang pasilidad ang naitayo para sa kaayusan sa kanilang nasasakupan.
Patuloy ang pagpapagawa ng mga pasilidad at pagsasagawa ng iba’t ibang proyekto ang PNP upang mapanatili ang kaayusan, kapayapaan at katahimikan ng pamayanan katuwang ang mga mamamayan.
Source: Cagayan PPO
