Pinangunahan ng mga tauhan ng Tarlac City Police Station ang Awareness Lecture sa mga mag-aaral ng Burot Integrated School sa Barangay Burot, Tarlac City nito lamang Biyernes, ika-21 ng Marso 2025.
Matagumpay na naisagawa ang aktibidad sa ilalim ng pamumuno ni Police Lieutenant Colonel Romel M Santos, Chief of Police.
Sa talakayang ito, ipinaliwanag ng mga kapulisan ang mahahalagang probisyon ng Republic Act 11313, na mas kilala bilang “Safe Spaces Act” o Batas na Bawal Bastos.
Layunin ng programa na magbigay ng kaalaman sa mga mag-aaral upang maging mapagmatyag sa anumang banta ng krimen o pang-aabuso, at upang lubos maunawaan ang kanilang mga karapatan.
Magsisilbi rin itong kampanya upang patibayin ang suporta para sa kababaihan at tiyakin ang pagkakaroon ng pantay na oportunidad sa lipunan.
Sa pamamagitan ng ganitong mga aktibidad, patuloy na ipinapakita ng Pambansang Pulisya ang dedikasyon sa pagsusulong ng isang ligtas, pantay, at makatarungang lipunan para sa lahat.
Panulat ni Pat Mildred A Tawagon
