Muling isinagawa ang pagbabahagi ng kaalaman ang mga tauhan ng Olongapo City Police Station patungkol sa Anti-Criminality Campaign para sa mga kabataan ng Purok 4, Lower Kalaklan, Olongapo City nito lamang Miyerkules, ika-1 ng Enero 2025.
Pinangunahan ni Police Major Jonard E Guevarra, Acting Station Commander ng Olongapo City Police Station 1, sa ilalim ng pamumuno ni Police Colonel Charlie D Umayam, City Director.
Nagbahagi ng kaalaman ang kapulisan patungkol sa Republic Act 11313 o “Safe Space Act” o ang tinatawag nating “Bawal Bastos Law” at RA 9262 o “Anti-Violence Against Women and Their Children Act of 2004”, na laging nagpapaalala sa mga kabataan na mahalaga na mapalawak ang kaalaman sa ating mga karapatan at ang pagrespeto sa bawat isa, lalo na sa usaping pangkasarian at sa pampublikong espasyo.
Layunin ng aktibidad na ipabatid ang batas at parusa sa sinumang lumabag nito. Hinikayat din na laging mag-ingat at ugaliing maging mapagmatyag upang makaiwas sa ano mang karahasan.
Patuloy ang Olongapo City PNP sa pakikipag-ugnayan sa mga barangay upang bigyang kaalaman ang mga kabataan sa programa ng pamahalaan kabilang ang pagpapaigting ng kampanya kontra kriminalidad para isang ligtas at payapang Bagong Pilipinas.
Panulat ni Pat Digna Jane Tenorio Malubay
