Arestado ang isang Australian National matapos nitong pisikal na inabuso ang kanyang live-in partner sa Purok 6, Batilisan, Tacunan, Davao City nito lamang ika-1 ng Enero, 2025.
Ayon kay Police Major Vincent Ignacio B. Follante, Acting Station Commander ng Tugbok Police Station, tumawag ang biktima sa 911 upang humingi ng tulong matapos ang insidente.
Agad namang rumesponde ang mga tauhan ng Tugbok PNP at dinakip si alyas “Tony”, 41 anyos, residente ng nasabing lugar.
Kaugnay nito, mahaharap ang suspek sa kasong paglabag sa Republic Act 9262 o “Anti-Violence Against Women and Their Children Act of 2004”.
Ang mga ganitong insidente ay nangangailangan ng agarang aksyon kung kaya naman ay muling nananawagan ang Police Regional Office 11 sa bawat Dabawenyo na i-report ang anumang uri ng karahasan at paglabag sa batas sapagkat ang pakikiisa ng publiko ay mahalaga upang mapanatili ang pangmatagalang kapayapaan.
Panulat ni Patrolwoman Shairra Rose A Aquino
