Cebu, Philippines – Naging masaya at makulay ang isinagawang Community Outreach Program ng mga tauhan ng Asturias Police Station sa pamamagitan ng Santa COPS Program ng Cebu PPO para sa mga bata na residente ng Malabago, Brgy. Sta Lucia, Asturias, Cebu nito lamang Lunes, Disyembre 26, 2022.
Ang aktibidad ay pinangunahan ng mga tauhan ng naturang istasyon sa pangangasiwa ni Police Major Alden Zambrano, Officer-In-Charge katuwang ang Municipal Social Welfare Development Office-Asturias sa pamumuno ni Mrs Marianee Suan Gabriel.
Hatid ng mga Santa COPS ng Asturias PNP ang handog na tsinelas, toothbrush at toothpaste para sa mahigit 50 na mga bata. Bukod pa rito, naghandog din ng munting Christmas caroling ang ating mga kapulisan na higit naman ikinatuwa ng mga bata at residente ng naturang lugar.
Ang Santa Cops Activity ay isang inisyatibo ng Cebu Police Provincial Office sa ilalim ng pangangasiwa ni PCol Rommel Ochave, kung saan sa pagsisimula ng Disyembre, ang mga kapulisan ay maghahatid ng mga munting saya at regalo gaya ng bigas, grocery, at gamit sa bahay para sa mga pamilya ng kanilang nasasakupan.
Kaugnay sa peace and security framework ng ating CPNP na M+K+K=K o Malasakit, Kaayusan at Kapayapaan tungo sa Kaunlaran, gayundin sa programang PNP KASIMBAYANAN, ang aktibidad ay naglalayong mas palakasin pa ang ugnayan ng Kapulisan, Simbahan at Pamayanan upang mas maipadama ang tunay na diwa ng kapaskuhan.
