Idinaos ang Assumption of Office Ceremony para sa bagong itinalagang Regional Director ng Police Regional Office 11 na ginanap sa Pulis Bagani Hall, Camp Sgt. Quintin M Merecido, Buhangin, Davao City nito lamang Hunyo 16, 2024.
Ang nagsilbing Presiding Officer sa naturang programa ay si Police Major General Benjamin H Silo, Commander ng Area Police Command (APC)-Eastern Mindanao habang si Deputy Director for Administration Police Brigadier General Wilson D Soliba naman ang naghandog ng Welcome Remarks.
Mainit na tinanggap ng PRO 11 ang bagong Regional Director na si Police Brigadier General Nicolas D Torre III, na kilala sa kanyang mahusay at tapat na pagseserbisyo sa bayan.
Dumalo naman sa mahalagang aktibidad na ang bawat hepe ng mga istasyon sa buong rehiyon ng Davao gayundin ang mga pinuno ng mga National Administrative Support Units at National Operational Support Units.
Samantala, ang mga tauhan ng Police Regional Office 11 sa pamumuno ng bagong Regional Director Police Brigadier Nicolas D Torre III ay nananatiling alerto at handang maglingkod sa lahat ng oras upang makamit ang mga adhikain ng Bagong Pilipinas.
Panulat ni Patrolwoman Shairra Rose A Aquino
