Nueva Vizcaya – Pinangunahan ng mga miyembro ng Aritao PNP ang isinagawang Revitalized KASIMBAYANAN na inilunsad sa Brgy. Comon at Brgy. Nagcuartelan, Aritao, Nueva Vizcaya, nito lamang ika-6 ng Pebrero 2023.
Ang aktibidad ay pinangasiwaan ni Police Captain Roger Visitacion, Hepe ng Aritao PNP at kasamang dumalo ang mga Barangay Peace Keeping Action Teams (BPATs), Religious Sectors Group sa pangunguna nina Pastor Marvin A Delos Santos at Pastor Mariemar B Pascual, mga opisyales at Purok leaders ng nasabing barangay.
Kabilang sa tinalakay sa aktibidad ang programa ng Kapulisan, Simbahan at Pamayanan, gayundin ang EO70 o NTF ELCAC upang mas mapagtibay ang kanilang adbokasiya na sumasang-ayon rin sa hangarin ng pamahalaan at kapulisan na magkaroon ng isang maunlad at mapayapang pamayanan.
Layunin ng aktibidad na mapalakas ang ugnayan ng komunidad, religious sectors at pulisya tungo sa isang mapayapa, at maunlad na lipunan.
Source: Aritao Police Station
Panulat ni PCpl Harry B Padua
