Argao, Cebu – Aktibong nakiisa ang mga tauhan ng Argao Municipal Police Station sa isinagawang “Give a Gift Activity” sa Langtad Elementary School, Naga City, Cebu nito lamang Miyerkules, ika-24 ng Agosto 2022.
Masigasig na nakiisa ang mga tauhan ng Argao Municipal Police Station sa pangunguna ng Hepe nito na si Police Major Andy Michael S Roque, kasama ang mga tauhan ng 53rd Engineering Brigade ng Philippine Army.
Lubos naman ang pasasalamat ng mga magulang sa GMA Kapuso Foundation sa pamumuno ni Ms. Amabelle Rusiana, GMA Kapuso Foundation Regional Coordinator na siyang naging pangunahing isponsor ng naturang aktibidad at sa pagtulong sa kanilang mga anak na maabot ang kanilang mga pangarap.
Ang aktibidad na ito ay naglalayong magbigay ng inspirasyon sa mga magulang na patuloy na hikayatin ang kanilang mga anak na mag-aral at manatili sa paaralan sa pamamagitan ng pagbibigay sa kanila ng kumpletong set ng mga kagamitan para sa kanilang pag-aaral.
Ang Pambansang Pulisya katuwang ang iba’t ibang grupo at ahensya ng pamahalaan ay patuloy na makikiisa at tutulong para sa pagpapaunlad ng komunidad at upang lalong mapagtibay ang magandang ugnayang nabuo sa pagitan ng pulisya at komunidad.
###
Panulat ni Patrolman Aivan Guisadio
