Quezon – Pinangunahan ni Police Lieutenant General Rhoderick Armamento, Commander, Area Police Command-Southern Luzon ang Closing Ceremony ng Public Safety Basic Recruit Course Class 2021-05 at Recognition Rites ng PSBRC CL 2022-01 na ginanap sa Regional Training Center, Annex, Sitio Ilaya, Brgy. Anos, Tayabas City, Quezon nito lamang Miyerkules, Marso 29, 2023.
Isang mainit na pangtanggap ang inilatag ng RTC CALABARZON sa pamumuno ni Police Lieutenant Colonel Marlon Rufo, Acting Training Chief.
Tinatayang 68 na bagong Patrolwoman ng Public Safety Basic Recruit Course Class 2021-05 “MANSIGLAHI” ang nagsipagtapos at nakumpleto ang military training kabilang ang 100 Male Recruits ng PSBRC CL 2022-05 “SINAGLAKAN” ang kinilala at nagpakita ng disiplina sa sarili, pagiging responsable at alerto sa naturang pagsasanay.
Samantala, nagsagawa rin ng Ceremonial Ribbon Cutting and Unveiling ng pinakabagong gawa na Firing Range ng RTC CALABARZON na sinundan ng Tree Planting Activity.
Ayon kay PLtGen Armamento, hinamon niya ang mga bagong graduate na pulis na maglingkod at magbigay ng serbisyo publiko nang may lubos na pagmamalasakit, katapatan at dignidad alinsunod sa Peace and Security Framework ni CPNP na Malasakit, Kaayusan, Kapayapaan tungo sa Kaunlaran (M+K+K=K).
Panulat ni PEMS Joe Peter Cabugon/RPCADU4A
