Timbog ang apat na Street Level Individual sa ikinasang buy-bust operation ng mga operatiba ng Marabut Municipal Police Station sa Barangay Legaspi, Marabut, Samar nito lamang ika-08 ng Disyembre 2024.
Kinilala ni Police Captain Alner H Peñeda, Officer-In-Charge ng Marabut MPS, ang mga suspek na sina alyas “Lowie”, 45 anyos, laborer; alyas “Rowell”, 40 anyos, construction worker; alyas “Anton”, 59 anyos; at alyas “Ely”, 67 anyos, na pawang mga residente ng Barangay Legaspi, Marabut, Samar.
Bandang 9:50 ng gabi nang ikinasa ang operasyon ng mga tauhan ng Marabut Municipal Police Station sa koordinasyon sa Philippine Drug Enforcement Agency 8.
Nakumpiska sa mga suspek ang 10 pakete ng hinihinalang shabu na may tinatayang timbang na 17.5 gramo na nagkakahalaga ng Php119,000, isang genuine 500-peso bill na ginamit bilang buy-bust money at mga drug paraphernalia.
Mahaharap ang mga suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Patuloy ang Pambansang Pulisya katuwang ang iba pang ahensya ng gobyerno sa kampanya laban sa ilegal na droga upang matiyak ang kapayapaan at kaligtasan sa ating bansa. Dahil sa Bagong Pilipinas, ang gusto ng pulis, ligtas ka!.
Panulat ni Patrolwoman Ma. Elena B Singian
