Arestado sa isinagawang buy-bust operation ng Concepcion Municipal Police Station ang apat na indibidwal sa Block 19, Lot 15, Phase II, Shalom Village, Barangay Bacjawan Sur, Concepcion, Iloilo nito lamang ika-27 ng Agosto 2024.
Kinilala ang mga naaresto na sina alyas “Leovie”, 48 anyos, may-asawa, Street Level Individual; alyas “Kim”, 31 anyos; alyas “Jonjie”, 32 anyos, walang-asawa; at si alyas “Jena”, 30 anyos, at residente ng nasabing lugar.
Ang nasabing suspek na si alyas “Leovie” ay inaresto matapos nitong iabot ang isang (1) heat-sealed transparent na plastic sachet ng ilegal na droga sa police poseur buyer ng pulis kapalit ng Php15,500 boodle money.
Bukod dito, ang iba pang nasabing mga suspek, kabilang ang dalawang lalaki at isang babae, ay inaresto rin sa kasong pagbisita sa drug den.
Nasamsam ang isang (1) heat-sealed transparent plastic sachet na pinaghihinalaang shabu (Buy-bust Item), Php15,500 na boodle money kabilang ang 100 peso bill, isang Honda TMX na may side car ngunit walang plaka, isang Suzuki Raider na walang plaka, isang 12 gauge shotgun na may isang magazine na kargado ng dalawang bala at iba pang mga non-drug items.
Narekober pa ang pitong heat-sealed transparent na plastic sachet na may tinatayang timbang ng humigit-kumulang na 40 gramo at may Standard Drug Price na Php272,000.
Mahaharap ang mga suspek sa kasong paglabag sa Republic Act 9165 o “Comprehensive Dangerous Drugs Act of 2002” at RA 10591 o “Comprehensive Firearms and Ammunition Regulation Act”.
Patuloy ang Iloilo PNP sa pagpupursige na matuldukan ang paglaganap ng paggamit at pagbebenta ng ilegal na droga sa kanilang nasasakupan, dahil sa Bagong Pilipinas ang gusto ng pulis ligtas ka!.
Source: ILOILO PPO
Panulat ni Pat Ryza Valencia
