San Jose de Buenavista, Antique – Muling nakiisa ang kapulisan sa lalawigan ng Antique sa isinagawang bloodletting activity nitong ika-24 ng Setyembre 2022 na ginanap sa Robinsons Place, Brgy. San Angel, San Jose, Antique.
Kasama sa mga nakibahagi ang mga tauhan ng San Jose de Buenavista Municipal Police Station sa pamumuno ni Police Lieutenant Colonel Ariel S Artillero kasama ang mga tauhan ng 1st Antique Provincial Mobile Force Company.
Ang nasabing bloodletting activity ay inisyatibo ng Antique Medical Society na tinaguriang “Dugo Mo, Kabuhi Ko” (Donate Blood, Save a Life), na may layuning makalikom ng sapat na supply ng dugo para sa mga nangangailangang pasyente sa buong probinsya pati na rin sa mga karatig-lalawigan.
Ang San Jose de Buenavista MPS ay kaisa ng buong PNP sa pagbibigay serbisyo na may malasakit tungo sa payapa at maunlad na komunidad.
