Pampanga – Tuloy-tuloy na umaarangkada ang Regional Police Community Affairs and Development Unit (RPCADU) 3 sa paghahatid ng kaalaman at libreng meryenda sa mga mag-aaral ng Camp Olivas Elementary School ng Barangay San Nicolas, City of San Fernando, Pampanga nito lamang Setyembre 20, 2023.
Ang naturang aktibidad na pinamunuan ni Police Major Raquel Pagnas, Assistant Chief ng Regional Police Community Affairs and Development Unit 3.
Nagbahagi ng kaalaman ang mga tauhan ng RPCADU3 patungkol sa Anti-Illegal Drug Lecture na laging nagpapaalala sa mga mag-aaral na ang paggamit ng ilegal na droga ay nakakasama sa kanilang kalusugan at kinabukasan.
Kasabay ng kanilang paghahatid ng serbisyo, naghatid din ng libreng meryenda upang mas maging aktibo sa kanilang pag-aaral.
Ang RPCADU 3 ay patuloy sa paghahatid ng serbisyo sa mamamayan upang mas mapagtibay ang magandang ugnayan ng PNP at pamayanan.
Source: RPCADU3
Panulat ni PCpl Jeselle V Rivera
