Police Regional Office 11 – Matagumpay ang isinagawang Simultaneous Anti-Criminality Law Enforcement Operation (SACLEO) ng Police Regional Office 11 sa loob lamang ng 10 araw mula Abril 23 hanggang Mayo 2, 2022 sa buong rehiyon.
Ang kampanya ng PRO11 laban sa ilegal na droga ay nagresulta sa pagkakaaresto sa 133 indibidwal kabilang ang 10 High-Value Individual (HVI), pagkakumpiska sa 96.74675 gramo ng shabu at 32.772 gramo ng marijuana na nagkakahalaga ng Php661,438.90 sa isinagawang 78 operasyon ng mga tauhan ng Rehiyon.
Ang Davao City Police Office ang siyang nanguna sa pinakamaraming nagawang operasyon kontra ilegal na droga na umabot sa bilang na 38 na sinundan naman ng Davao Norte Police Provincial Office na nakapagsagawa ng 17 operasyon.
Kabilang sa matagumpay na resulta ng isinagawang SACLEO ng PRO11 ay ang pagkakahuli rin sa 63 Most Wanted Persons at 136 na iba pang Wanted Person sa buong rehiyon.
Maliban dito, nakapagsagawa rin ng 70 operasyon sa ilalim ng kampanya kontra loose firearms na nagresulta sa pagkakaaresto sa 24 na indibidwal at pagkakarekober ng 28 iba’t ibang uri ng baril.
Patuloy din ang pagsasagawa ng “Oplan Katok” na nagresulta sa pagkarekober sa 47 iba’t ibang uri ng baril habang 69 na baril naman ang boluntaryong isinuko sa iba’t ibang yunit ng PRO11.
Gayundin ang kampanya ng pamunuan kontra ilegal na pagsusugal kung saan mayroong 103 na operasyon ang matagumpay na naisagawa na nagresulta rin sa pagkakaaresto sa 235 na indibidwal, pagfile ng 103 na kaso at pagkakakumpiska sa ginamit na pera na umabot sa halagang Php22,783.
Mananatili at mas paiigtingin ng PRO 11 sa ilalim ng pamumuno ni PBGen Benjamin Silo Jr, Regional Director ang pagiging masigasig at patuloy na pagsisikap na tuluyang wakasan ang paglaganap ng mga ilegal na aktibidad at kriminalidad sa buong Rehiyon ng Davao.
###
Panulat ni Patrolman Preal Cris Edosma
