Camarines Norte – Arestado ang anim na katao sa isinagawang Anti-Illegal Fishing Operation ng Vinzons Municipal Police Station sa Territorial Seawaters ng Barangay Pinagtigasan, Vinzons, Camarines Norte nito lamang Hunyo 19, 2023.
Kinilala ni Police Major Arkhemedes Garcia, Hepe ng Vinzons MPS, ang mga suspek na sina alyas “Rom”, 22; “Toy”, 22; “Jerry”, 56; “Gie”, 21; “Berto”, 35; at “JR” na pawang mga residente ng Purok 3, Barangay Maculabo, Paracale, Camarines Norte.
Ayon kay PMaj Garcia, bandang 9:04 ng umaga ng maaktuhan ng mga tauhan ng Vinzons PNP at Governor’s Special Action Group (GSAG) ang anim na katao na nagsasagawa ng ilegal na pangingisda sa nasabing lugar.
Nakumpiska mula sa mga suspek ang isang set ng compressor, compressor hose na may sukat na 25 metro, tatlong piraso ng goggles at tatlong sets ng plastic diving fins na may tinatayang kabuuang halaga na Php20,000.
Patuloy na magsasagawa ng mga operasyon ang Vinzons MPS katuwang ang iba pang ahensya ng gobyerno upang labanan ang ilegal na pangingisda sa naturang lugar.
Source: Vinzons Mps Cnppo
