Aparri, Cagayan – Pinakawalan ng Cagayan PNP ang anim na dolphin na aksidenteng nalambat ng mga mangingisda sa karagatan na nasasakupan ng Brgy. Dodan, Aparri, Cagayan nito lamang Miyerkules, Hulyo 27, 2022.
Ayon kay Police Captain Tristan John Zambale, Hepe ng Aparri Police Station, tumawag sa kanilang himpilan ang isang concerned citizen at inireport ang aksidenteng pagkalambat ng anim na dolphin sa kanilang nasasakupan.
Agad naman na rumesponde ang mga miyembro ng Aparri PS at nakipag-ugnayan sa Bureau of Fisheries and Aquatic Resources Region 2.
Pinakawalan at inalalayan ng mga pulis kasama ng mga miyembro ng BFAR ang mga dolphins upang masigurong ligtas na makabalik ang mga ito sa dagat.
Samantala, pinuri naman ni Police Colonel Renell R Sabaldica, Provincial Director ng Cagayan Police Provincial Office ang pamunuan ng Aparri Police Station sa kanilang agarang pagresponde at pagkaligtas sa mga dolphins.
Source: Aparri Police Station
###
Panulat ni Police Staff Sergeant Mary Joy D Reyes
