Anda, Bohol – Nakiisa ang mga tauhan ng Anda Police Station sa Mangrove Tree Planting sa Brgy. Agso, Talisay, Anda, Bohol nito lamang Sabado, Setyembre 10, 2022.
Pinangunahan ni Police Lieutenant Ponciano M Entroliso Jr, Chief of Police ng Anda Police Station bilang pakikiisa sa naturang aktibidad kaugnay sa pagdiriwang ng 122nd Philippine Civil Service Anniversary na inisyatibo ng mga kawani ng Local Government Unit ng Anda, Bohol katuwang ang mga miyembro ng BFP-Anda, PCG, Barangay Based Group at Force Multipliers.
Layunin ng aktibidad na ipakita ang pagkakaisa at malasakit ng PNP at mamamayan upang maprotektahan at mapangalagaan ang ating kalikasan.
Patuloy naman na hinihikayat ng Bohol PNP ang publiko at mga grupo na katuwang nito na makiisa para sa mabilis at maayos na pagsulong at pagtupad ng mga programang nakatuon sa pagpapabuti at pagpapaganda ng ating kapaligiran.
Panulat ni Patrolwoman Jenilyn Consul
