Umabot sa halos Php7 milyong halaga ng shabu ang nasabat ng Mandaue PNP sa isang babaeng High Value Individual sa isinagawang buy-bust operation sa M. Logarta Street, Barangay Subangdaku, Mandaue City, noong ika-20 ng Hunyo 2024.
Kinilala ni Police Lieutenant Colonel Wilfredo I. Alarcon, Chief ng City Intelligence / City Drug Enforcement Unit, Mandaue City Police Office, ang suspek na si alyas “Lolit”, 46 anyos at residente ng Kimba, Barangay San Roque, Talisay City, Cebu.
Bandang 10:55 ng gabi ng ikinasa ng kapulisan ang naturang buy-bust operation na nagresulta sa pagkaaresto ng suspek at pagkasabat ng 14 plastic packs na may timbang na 1.025 kilos at may Standard Drug Price na Php6,970,000, buy-bust money at keypad na cellphone.
Mahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang matagumpay na operasyon ay bunga ng pinagsanib na pwersa ng CIU/CDEU, MCPO, RID/RDEU7, operatiba ng SOU7, PNP DEG, Police Station 2, MCPO at PDEA 7.
Ang Mandaue City PNP katuwang ang ibang ahensya ng gobyerno ay walang humpay at walang tigil sa mga operasyon laban sa ilegal na droga upang masakote ang mga indibidwal na nasa likod nito para sa inaasam na payapa at maunlad na Bagong Pilipinas.
Source: MCPO SR
Panulat ni Pat Grace P Coligado
