Misamis Occcidental – Aktibong nilahukan ng mga tauhan ng Aloran Municipal Police Station ang pamamahagi ng relief goods sa mga biktima ng baha sa Brgy. Conat, Aloran, Misamis Occidental nito lamang Enero 7, 2023.
Ang naturang aktibidad ay pinangunahan ni Police Major Roland Donor, Officer-In-Charge ng Aloran Municipal Police Station, katuwang sina Mr. and Mrs. Rosado, pawang mga residente ng Zamboanga del Norte.
Walang mapagsidlan ng tuwa at galak ang mga naturang residente ng probinsya at lubos ang pasasalamat sa mga miyembro ng Aloran Municipal Police Station at sa lahat ng tulong mula sa mga may mabubuting kalooban na nagpaabot ng kanilang tulong.
Ang Pambansang Pulisya ay handang maglingkod ng tapat at buong puso para sa bayan, layunin nito na maipadama sa mga mamamayan ang tunay na malasakit tungo sa kaayusan, kapayapaan at kaunlaran ng probinsya ng Misamis Occidental.
Panulat ni Patrolman Johmel Tan/RPCADU 10
